SAAB fundur og fleira

Í gær sunnudag héldum við þriðja SAAB fundinn í sumar. Sérstaklega má þar nefna '78 módelið af 96u sem er alveg svakalega flott. Alls komu 9 bílar á fundinn og var dreifingin á milli gerða nokkuð jafnari núna en síðast. Guli 90 SAABinn mætti, 96an sem ég sagði frá hér að ofan, 3 mættu á 900 turbo 3 á 9000 T og ekki og svo loks Nóni sem var á 9-5 unni. Svo var tekið heilmikið spjall þar sem ýmis málefni voru rædd og að því loknu var ekið um borgina. Vakti það nokkra athygli mína að fólkið á Laugarveginum þar sem við fórum um í halarófu brosti út í annað þegar það sá okkur og ég held reyndar að 96an hafi haft vinninginn í glápi, þetta var allavega mjög gaman. Og þakka ég þeim fyrir sem mættu á fundinn að þessu sinni.
Myndir gætu dottið inn á síðuna í kvöld eða á morgun.

En að mínum SAAB! Nú erum við byrjaðir að smíða og gera í sambandi við eldsneytiskerfið. Hurðir og skottlok er komið úr málun og skottlokið komið á. Einnig er framrúðan komin í og sömuleiðis stólarnir. Nokkur vinna er ennþá eftir við skottlokið en það ætti að hafast á eins og tveimur góðum kvöldstundum. And now for the million dollar question: standast áætlaðar dagsetningar? Að öllum líkindum ekki, tíminn líður svo rosalega hratt. Kiddi vinur minn verður því kannski bara að bíða lengur eftir því að fara að sjá mig úti á nesi í heimsóknum, en hann veit sem er að ég dvel löngum stundum í bílskúrnum og þar er hægt að ná af mér tali:-)