Hressandi fimmtudagur

Ég fór uppá spítala í dag í tékk. Það var ágætt. Ég og Arna læknir ræddum ýmis mál er snerta sykursýki og fylgikvilla tengdum henni. Langtíma gildin hjá mér eru á ágætum gír en alltaf mætti bæta sig aðeins. Það væri til dæmis afar fróðlegt að sjá hverju breytti ef Birkir færi nú í líkamsrækt reglulega. En ég á bíl eins og þeir sem lesa þetta hafa eflaust orðið varir við sem er mikill tímaþjófur. Eins hef ég töluverða viðveru í skólanum er búinn klukkan 17:40 tvisvar í viku og hina dagana kl 16:00. Þetta verður eitthvað að breytast ef ég á að koma fyrir rækt kannski eins og 3-4 sinnum í viku. Þess vegna er planið að taka því aðeins rólegar eftir jól, koma þá ræktinni fyrir á prógramminu. Það skiptir mjög miklu máli að vera í góðu jafnvægi á sínum yngri árum því annars er maður líklegri til þess að verða gamalmenni langt fyrir aldur fram. Listi fylgikvilla er langur og satt að segja líst mér bara ekkert á að fá þá. Ég verð að fara hætta þessu horngrýtis sælgætisáti. Svo ræddum við líka um insúlín pumpur sem græddar eru undir húð og sjá um að skammta manni lyf. Ég er kominn á lista hjá henni þannig að góðar líkur eru á því að ég gæti fengið svona útbúnað á næsta ári sem væri snilld. Ef þetta gengi eftir myndi ég þá geta hætt að sprauta mig sem ég geri núna u.þ.b 4-5 sinnum á dag og langtíma gildin lækkuðu þá jafnframt.

Að SAAB málum er helst í fréttum að bílasprautarinn ætlar að koma á morgun(föstudag) hann gat það nefninlega ekki í dag vegna anna. Verður hann væntanlega á ferðinni um klukkan fimm. Ég pósta þá einhverju skemmtilegu en núna ætla ég að fara að hætta þessu. Kv. Birkir